إبر ودبابيس – نحن غير
- يا ويلهم من بعض.. كلنا شايفين بقية الأحزاب شو بتعمل بحالها.. لكن المشتركة مش هيك..
- يا سواد ليلهم من مؤامراتهم ضد بعض.. بطعنوا بالظهر، مش بالسكاكين، لكن بالخناجر..
- مؤامراتهم على بعضهم أكثر من المافيا وأكبر من كل العصابات.. وخلف السواهي دواهي..
- بسلّموا ويبتسموا، بقطعوا وعود ومواعيد وضمانات.. لكن بخونوا كل كلمة وكل وعد..
- كل حزب وكل متزعم يعتبر حاله أشرف الناس.. وهو أحطّ الناس، جبان وهيّابة، ومفؤود.
- يعتبر حاله فريد عصره.. لكنه متأخر ورجعي، لأنه فعفاع ووعواع وهّاع ولاع..
- بدهم يعودوا لأحكام التوراة ويفرضوها عالناس.. وهم أبعد من السماء عن الأرض..
- تصرفات الأحزاب مع بعضها أقرب ما يكون لتصرفات البهائم والدواب.. كلهم طرش..
- ما بتفرّق الزعيم منهم عن التيس، ولا المسؤول عن البغل، ولا الكبير عن البهيم..
- شايفين الناس مثل الذباب حولهم، وهم أصغر من البقة والقملة والهسهسة..
- تصريحاتهم كلها علك.. كلام بكلام.. يعلكوا صرماية أفضل..
- يكون منخوب ومستوهل وهو هوهاء، هجاج رعديد ورعشيش حتى هردبة..
- قالت لهم خالتي نبيهة: يا مصروعين، يا مجانين.. يا منتفخين مثل البالونات..
- يا مهووسين، يا مختلّين، يا مسدودين العقول.. يا مجلوطين.. يا معفنين..
- وهون مدّت إيدها عا بوزها وقالت: تفو على أخلاقهم وتصرفاتهم، حتى البصقة عليهم كثير..
أبو إلياس