إبر ودبابيس
مين أوقح؟!
** بحياتكم تقولو مين أوقح.. هاي الممثلة أو هذيك؟ هاي اللّي بتتعرّى أو هذيك الشّالحة؟ هاي اللي مكشفة عن كل شي فيها أو هذيك النّايمة مزلبطة؟! ** بحياتكم تقولو مين أوقح وحدة بين الممثّلات الإباحيات؟ أكيد شفتو صورهم بالفيسبوك أو بالواتس أب أو غيرها ** بحياتكم تقولو مين أوقح بين المطربات اللّي ببيعو أجسادهن حتى تشوفهم الناس، أو اللّي بعملو حالهن بغنّو عشان يشوفوهم ويقولو ما فيها شي ** بحياتكم تقولو مين أوقح من هاي المطربة أو الممثلة اللّي عاملة ألف عمليّة تجميل وتكبير لصدرها وشفافها وعيونها ومناخيرها.. وغيرها ** بحياتكم تقولو مين أوقح من هاي اللي بتبيّن بالصّور من قدام مشلّحة ومن ورا لابسة نص قفا؟! ** بحياتكم تقولو مين أوقح من هاي اللي ماشية عَ الموضة الأخيرة بالتجميل، وهي تدوير القفا حتى تصير مثل الطّابة ** بحياتكم تقولو، هل هذا نتيجة الحرب في منطقتنا؟ ما عُدنا نستحي ولا نخجل؟ عيب يا جماعة.. خلّوا عنّا شويّة خجل!
(أبو إلياس)
مين أوقح؟!
مراسل حيفا نت | 28/08/2016